Wednesday, November 28, 2012

තේකක් බීපු විදිහ


ඉස්සර යාලුවොත් එක්ක ඉන්න කාලෙ මතක් වෙනකොට හිතට දැනෙන සතුට නම් කියල නිම කරන්න බෑ.මොකද මගෙ යාලුවෝ තමයි මේ ලෝකේ ඉන්න හොදම යාලුවෝ නිසා.ඒ වගේම FB,G+ වගේ තැන් වලිනුත් හොද යාලුවෝ ගොඩක් එකතු කර ගන්න පුලුවන් මම දැන් නම් කියන්න යන්නේ යාලුවොත් එක්ක හිටපු දවසක මට උන අකරතැබ්බයක් ගැන.මේක උනේ O/L කාලේ අවසානෙදි වගේ.


මගේ පොඩි දුර්වලතා ටිකක් තියනවා ඒව අතුරින් මට තිබුනු එක දුර්වලතාවයක් තමයි උණුවෙන් තේකක් බොන්න බැරි එක.ඉතින් මම තේක නිමුනට පස්සේ තම්යි බොන්නේ.නැත්නම් පීරිසියට වත්කරගෙන බොනවා.අනික තේක කෝප්පෙන් බොන්න බෑ ඇගේ හලා ගන්නවා.එක නිසා මම තේක ඇල් වතුර වගේ නිමෙන්න තියල තමයි බොන්නේ.මගේ යාලුවො නම් එක හොදටම දන්නවා.

මේ උන සිදුවීමත් ඒ දුර්වලතාවය නිසා උන ලොකූ චාටර් එකක්.ඔන්න ඉතින් මේ කතාවත් උනේ මගේ යාලුවොත් එක්ක.අපි දවසක් ගියා අපේ පංතියේ යාලුවෙක්ගේ බණ ගෙදරක එයාගේ නම නම් අරුණ කියලා හොද කොල්ලෙක්.ඉතින් අපි ටිකක් වෙලාස්සන තමයි ගියේ මොකද හෙල්ප් එකක් දෙන්න එහෙමත් එපැයි ඒකයි.ඉතින් දන්නවනේ ඉතින් යාලුවෝ සෙට් උනාම එක එක ඕපාදුපා ගැනනේ කතාව ඉතින් අලුතින් ටිවුෂන් පංතියට ආපු කෙල්ල ගැනයි,ඉස්කෝලේ එහා පැත්තේ ගෙදර හොර කුරුම්බා කඩපු විදිහයි,බස් ස්ටැන්ඩ් එක ගාව සෙට් උන වලියයි තමයි ඉතින් රසවත් කතා උනේ.ආ ඒ දවස් වල පේපර් අවුට් ගිය කතාවත් පැතිරිලා ගියා.මම ඒ කතාව ගැන පස්සේ කියන්නම්කෝ.ඔය වගේ ඕපා දූපා ගැන කතා කර කර ඉන්නකොට අරුණගේ අම්ම ඇවිල්ලා කිව්වා

"පුතේ තේ ටිකක් බීලා ඉන්නකෝ කියල"

ඔන්න ඉතින්  අපේ පෙරේතයෝ ටිකක් බොරුවට ටිකක් අදිමදි කරලා

"පස්සේ බොන්නම් ඇන්ටි කියලා කිව්වා"

ඒ උනාට මම දන්නවනේ අපේ  උන්ගේ හැටි.මොනා උනත් තැනකට ගියාම හැසිරෙන්න නම් අපේ උන් හොදට ඉගෙනගෙ තියනවා.නමුත් අර පස්සේ බොන්නම් කිව්වට මුන් ඔක්කොගෙම හිත අර තේ මේසේ ගාවට.

"නෑ පුතාලා දැන්මම තේ බොන්න පස්සේ කට්ටිය එයි එකයි."

එතකොට අපේ අරුණත් එක තම්යි මචන් වරෙ වරෙන් කියල අපේ කොල්ලෝ සෙට් එකම බලෙන් ඇදගෙන කියා අපෙ උන් එහෙමත් බොරුව්ට අදිමදි කර කර යන්න සෙට් උන්න.

ඉතින් තේ මේසෙට ගියාම සුර ලෝකෙට ගියා වගේ එක එක කැම ජාති තිබුනා.අරුණයයි ඇන්ටි එහෙමෙහෙ යන අතරේ අපේ උන් ටික පැන පැන කන්න මටන් ගත්තා.තේ මේසේ තිබුන කේක් ටිකයි,කෙසෙල්ගෙඩි,කිරිටොපි වගේ කෑම පෙනි පෙනෙද්දිම ඉවර උනා හරියට හාස් කමක් වගේ.බිස්කට් 7-8ක් විතර සාක්කු වල පුරව ගන්න අපේ කොල්ලෝ අමතක කරේ නෑ.අපේ කොල්ලෝ ජනාදිපතිගේ ගෙදර ගියත් එහේ කෑම මේසේ තියන බිස්කට ටික ජනාදිපති අහක බලන ඩිංගට සාක්කු වල දාන්න තරම් කොල්ලෝ තම්යි ඉන්නේ.හදිස්සියෙවත් ජනාදිපතිතුමා අහක බලාගේන හිටියේ නැත්නම් "අර අර සර් කියලා" හරි පෙන්නල බිස්කට් පන්නන කොල්ලෝ තමයි මට ඉන්නෙ.


ඔන්න දැන් කෑම මේසෙන් එක එක කතා.

"මචන් කිරිටොපි රසයි නේද බන්...,මචන් මේ කේක් එක ටියාරාද කොහෙද බන්...,ඔන්න ඔය දොදොල් දීසිය එවපන් එකක් කන්න"

ඉතින් ඔය එක එක කතා අස්සේ මමත් කේක් කෑල්ලක් කන ගමන් වටපිට බැලුවා.ඇත ඉන්නවා අරුණගේ නංගි එයාලගේ යාලුවෝ සෙට් එකයි අරුණලාගේ නෑදැයෝ සෙට් එකයි.මොනා උනත් ටිකක් ඩීසන් පිට ඉන්න ඕනේ කියල මට හිතුනා නමුත් අරුණලාගේ නංගි නම් දන්නවා මගේ හැටි ගිය තැන චාටර් වෙනව කියලා එයා දන්න ඇති.හෙ හෙ හේ..

නමුත් අනිත් අය දන්නේ නෑ නේ.ඔන්න ඉතින් මම පොර වගේ ගිහිල්ල තේ කොප්පයක් ගත්තා.අපේ උන් ටිකත් තේ බොන ගමන් කතා එක එක කතා.නමුත් මට ලොකු ප්‍රශ්නයක් තියනවා. එත් කවුරුවත් එක දන්නේ නෑ.මම තේක බොන්නේ නැතුව බලාගෙන ඉන්නවා.මොකද දැන් තේක බොන්න පටන් ගත්තොත් අනිවා තේක හැලෙනව කියල දන්න නිසා.එහෙම හැලුනොත් ඉදල ඉවරයි අරුණලාගේ නංගිගේ යාලුවෝ එහෙමත් දකීවි.මොනව කරන්නද කියල මටම හිතා ගන්න බැරුව මම තේක දිහා බලාගෙන ඉන්නවා.ටිකක් වෙලා ඉදලා අරුණලාගේ නංගිගේ යාලුවෝ ටික යන්න ගියා.දැන් තමයි හොද වෙලා කියල මම තේක බොන්න පටන් ගත්තා.ඔන්න නිමෙන්න තියනවා ටිකක් බොන්න පටන් ගත්ත විතරයි ආයෙත් එයාගේ යාලුවෝ ටික ආවා මම කලබල උනා විතරයි ඇග පුරා තේක.මට මම ගැනම ලැජ්ජ හිතුනා.වටේ පිටේ ඉන්න උන් හැම එකාම මම දිහා බලනවා.

ඒ ව්ලාවට මට හිතුනා පොලව පලාගේන ගිහින් උමගක් හාරලා ඒ උමග දිගේ අපේ ගෙදරට ගිහින් දොර වහ ගන්න.

එක එක් කටහඩවල් ඇහෙනවා මට

"අයියෝ මචන් තේක හලා ගත්තේ ඇයි බන්"
"යන යන තැන උබට වෙන්නේ චාටර්මනේ"

ඔය විදිහේ කතා එක එක තැන් වලින් ඇහෙනවා.අර කෙල්ලෝ ටික බක බක ගාල හිනා වෙනවා.දැන් ඉතින් මොනා කරන්නද මම අරුණට කිව්වා මචන් Bathroom  එක තියෙන්නේ කොහෙද කියලා.ආ මචන් ඕව ගන්නන් ගන්න එපා බන්.අපි යමු බාත් රූම් එකට.කියලා ඇදගෙන ගියා.ඔන්න ඔය විදිහට තමයි මම තේ බිව්වේ

2 comments:

  1. අනේ පව් කොල්ලා....

    ReplyDelete
  2. ඒක තමයි.මම වෙන්නේම ඒ වගේ වැඩ තමයි

    ReplyDelete